يا مصر بنحبك

بقلم: حليم اسكندر

27 كيهك 1726 للشهداء - 5 يناير 2010 ميلادية

يا مصر بنحبك وده شئ اكيد اكيــــــــــــــد
وحبك يا مصر ساكن في القلب والوريد
بنصلي لكل اولادك القريب والبعـــــــــــيد
بهتاف اصواتنا تعلي بالحمد والنشـــــــيد

يامصر شعبك مبارك كما قال الكتـــــــاب
كلك غاليه علينا وبنبوس حتي التــــــراب
حتي لو بعدنا عنك وحسينا باغـــــــــتراب
بنعود تاني لحضنك وللمة الاحبــــــــــاب

يامصر يا غاليه علينا وزارك المســـــــيح
حبك ســـــــاكن قلوبنا غاليه علينا بصحيح
تعلي في ربوعك صلاتنا بالحمـد والتسبيح
نطلب شفــاء وراحـــــــه لكل متعب جريح

يا مصر احنا اولادك وانت عايشه فينـــــا
وبنصلي ليســــــــوع الهنا انه يرسي السفينه
وييجي بمجده ويغمر كل شبر في اراضينا
ويحافظ علي كل اولاده ويبطل مشورة اعادينا

يا مصر يا غاليه علينا يا أرض القديســين
انت عايشه فينا.. مش بس فيكي عايشــــــين
الهنا يسوع وعدنا... ووعده صادق وامين
ان شعبك مبارك مهما تمر الســـــــــــــــنين

----------------------------------

مقالات الكاتب